जेलबाट रेशम चौधरीको पत्र : पार्टीको निर्णयमा म बाधक बन्दिनँ

राजनीति

नेपाल लाइभ बिहीबार, चैत १२, २०७७ १५:५७

काठमाडौं- कर्तव्य ज्यान मुद्दामा थुनामा रहेका जनता समाजवादी पार्टी (जसपा)का निलम्बित सांसद रेशम चौधरीले पार्टीले गर्ने निर्णयमा आफू बाधक नहुने स्पष्ट पारेका छन्। आफूबारे सार्वजनिक सञ्चारमाध्यममा कपोलकल्पित समाचार आइरहेको प्रति ध्यानाकर्षण भएको उल्लेख गर्दै उनले एक पत्र सार्वजनिक गरी पार्टीको निर्णयमा आफ्नो समर्थन हुने प्रष्ट्याएका हुन्।

कैलालीको टीकापुर घटनामा दोषी ठहर भई सर्वस्वसहित जन्मकैदको सजाय काटिरहेका चौधरीले सरकारमा जान आफूलाई सर्त बनाइएको, रिहा हुनै नसक्ने जस्ता समाचार आएकोप्रति टिप्पणी गरेका हुन्।

कैलाली-१ बाट प्रत्यक्षतर्फ विजयी भएका उनी जिल्ला र उच्च अदालतबाट टीकापुर घटनामा दोषी ठहर भएका थिए। घटना लगत्तै फरार रहेका उनी पछि अदालतमा उपस्थित भएका थिए। हाल उनको मुद्दा सर्वोच्चमा विचाराधीन छ।

आन्दोलनका क्रममा टीकापुरमा एक बालकसहित ८ जना व्यक्तिको ज्यान गएको थियो। उक्त हत्या घटनाको अभियोगमा चौधरीसहितलाई मुद्दा चलेको थियो।

पार्टी अध्यक्ष महन्थ ठाकुर लगायतका नेताहरुले आफ्नो रिहाइको प्रयास गरिरहेको र सरकारमा जाने/नजाने भन्ने कुरा पार्टीको निर्णयअनुसार हुने उनको पत्रमा उल्लेख छ।

पछिल्ला केही दिनमा उनलाई केन्द्रमा राखेर जनता समाजवादी पार्टीले सरकारको अजेन्डा बनाएको छ। सरकार र विपक्षी दलहरुसँगको छलफलमा चौधरीको मुद्दा उठिरहेको छ।

चौधरीलाई माफी दिएमा उनको सांसद पद रहँदैन र सर्वोच्च पुगेकाले मुद्दा फिर्ता लिन नमिल्ने कानुनी व्यवस्थाका कारण जसपाले कुनै पनि पक्षसँग सहमति गर्न सकेको छैन।

No description available.

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society. http://nepallive.com

लेखकबाट थप

कुलिङ पिरियडको प्रावधानबाट समिति पछि हट्दैन: सभापति खतिवडा

जापानमा ट्याक्सी चालकले ५० महिलालाई बलात्कार गरेको आशङ्का

सगरमाथा आरोही छत्यालको बढुवा, दर्ज्यानी चिन्ह प्रदान