काठमाडौं- सबै नागरिकको पहुँचमा कोभिडविरुद्धको खोप पुर्याउनका लागि खोप कार्ड नभएकाहरुलाई सार्वजनिक सेवा नदिने नीति लिनु परेको स्वास्थ्य तथा जनसंख्या मन्त्रालयले जनाएको छ।
मन्त्रालयकी प्रवक्ता डा. संगिता मिश्रले कोभिडविरुद्धको खोप लगाउन मानिसहरुले वेवास्ता गर्न थालेपछि सरकारले उनीहरुलाई खोपको दायरामा अनिवार्य रुपमा ल्याउनका लागि यस्तो नीति लिनु परेको बताएकी छन्।
न्यूज एजेन्सी नेपालसँगको कुराकानीमा प्रवक्ता डा मिश्रले यो नीति लिएपछि कोभिडविरुद्धको खोप लगाउनेहरुको भीड लाग्न सुरु गरेको बताइन्। प्रवक्ता मिश्रले सरकारले लिएको यो नीति मिडियामा आएजस्तो नागरिकलाई खोपबाट बञ्चित गराउन वा कसैमाथि विभेद गर्न नभएको स्पष्ट पारिन्।
‘ओमिक्रोन भन्दा पहिलाको तथ्यांक हेर्ने हो भने खोप लगाउनका लागि मानिसहरु केन्द्रमा आएनन्। ओमिक्रोनको इन्फेक्सन बढिरहँदाखेरी भ्याक्सिन लिनलाई भीड भयो' उनले भनिन्, 'कुनै सार्वजनिक सेवा दिने संस्थाको छेउमा लगभग आधि घण्टा भित्र वा नजिकै खोप केन्द्र हुनुपर्छ। त्यो हिसावले यसले के गर्छ भने यदि उसँग खोप कार्ड छैन भने पहिले गएर खोप लिन्छ अनि मात्रै सेवा लिन आउँछ भन्ने कुरा मात्रै हो। यो चाँही खोपमा पहुँच बढाउन राज्यले लिएको नीति हो। यो मिडियामा प्रचार भएजस्तो कसैलाई विभेद गर्न वा सेवा निषेध गर्नका लागि लिएको चाँही रहेनछ।’
प्रवक्ता मिश्रले इम्यूनिटी रेसपोन्स गर्न सहज हुने भएकाले जुनसुकै खोप लगाएका नागरिकहरुले पनि बुष्टर खोपको लागि फरक खोप लगाउन पाउनेगरी पछिल्लो निर्णय आएको बताइन्। यसबाट समस्या नहुने उनको भनाइ छ।
कोभिडको ‘रिसर्च’ र ‘डाटा’ दैनिक चेन्ज हुने भएकाले यसका निर्णयहरु पनि नेपाल सरकारले परिवर्तन गरिरहु परको उनको दाबी छ। प्रवक्ता मिश्रले गत माघ ७ गते बसेको डब्लूएचओ अन्तरगतको स्ट्राटिजिक एडभाईजरी बोर्डको बैठक र त्यसको लगत्तै बसेको राष्ट्रिय खोप सल्लाहकार समितिको बैठकले नै भेरोसेल वा जुनसुकै खोप लगाएको भएपनि बुष्टर खोप लगाउँदा हुने निर्णय गर्नु परेको बताइन्।
‘बुष्टर खोपको बारेमा स्वास्थ्य तथा जनसंख्या मन्त्रालयले एउटा निर्णय गर्यो कि होमोलोगस अथवा जुन खोप लगाइएको छ, त्यही खोप लगाउनु पर्छ। पछि चाँही हैन, अर्को लाउँदा पनि हुन्छ भन्ने जुन निर्णय भएको छ। त्यसको बैज्ञानिक आधारहरु छन्' उनले भनिन्।
अध्ययन र डेटाहरुको आधारमा हरेक दिन नयाँ तथ्य आउने भन्दै विश्व स्वास्थ्य संगठनले त्यसकै आधारमा निर्णय गर्ने बताउँदै उनले त्यसलाई नै आधार मानेर नेपालमा पनि निर्णय भएको बताइन्।
'हाम्रो देशको जुन राष्ट्रिय खोप सल्लाहकार समिति छ, त्यो समितिले १२ गते एउटा बैठक राखेको थियो। डब्लूएचओको सेबको बैठक पछि। त्यो दुईटा मिटिङको आधारमा के देखियो भने होमोलोगस वा हेट्रोलोगस जुन पनि लगाउन सकिन्छ' उनले भनिन्।
नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।
-1743937872.png)
![सय दिने प्रगति विवरण सार्वजनिक गर्दै प्रधानमन्त्री केपी ओली [प्रत्यक्ष प्रसारण]](https://nepallive.net/uploads/posts/500X300/kllllllllll-1729675876.jpg)
![Nepal Live Samachar नेपाल लाइभ समाचार, भदौ १९ [भिडियाे]](https://nepallive.net/uploads/posts/500X300/samachar++-1725458095.jpg)
![प्रधानमन्त्रीसँग प्रश्नोत्तर [प्रत्यक्ष प्रशारण]](https://nepallive.net/uploads/posts/500X300/PMM-(1)-1718866650.jpg)
![भारत भ्रमणबारे प्रतिनिधि सभा बैठकमा जवाफ दिँदै प्रधानमन्त्री प्रचण्ड [प्रत्यक्ष प्रशारण]](https://nepallive.net/uploads/posts/500X300/prachanda-sansad-1710309847.jpg)
![Nepal Live Samachar नेपाल लाइभ समाचार, जेठ ३० [भिडियाे]](https://nepallive.net/uploads/posts/500X300/samachar++-copy.jpg-30-1718203418.jpg)
-1743930985.png)
-1743318385.png)
-1742289396-1743592964.jpg)
