रास्कोट– कालिकोटको रास्कोट नगरपालिकामा नेकपा माओवादी केन्द्र र नेकपा एकीकृत समाजवादीका उम्मेदवार विजयी भएका छन्। नगरपालिकाको मेयरमा माओवादी केन्द्र र उपमेयरमा एकीकृत समाजवादीका उम्मेदवार विजयी भएका हुन्।
मेयरमा निर्वाचित माओवादी केन्द्रका धर्म राज शाहीले ३ हजार ४७ मत प्राप्त गरे। उनका प्रतिस्पर्धी नेकपा एमालेका दयाराम सिम्खडाले २ हजार ११७ मत प्राप्त गरे। मेयरमा नेपाली कांग्रेसका उम्मेदवार नव राज बरालले ८६५ मत प्राप्त गरे।
नगरपालिकाको उपमेयरमा एकीकृत समाजवादीका मनि राज बराल २ हजार ८०९ मत ल्याएर विजयी भए। उनका प्रतिस्पर्धी नेकपा एमालेकी उम्मेदवार उमा शाहीले १ हजार ३०१ मत ल्याइन्। उपमेयरमा नेपाली कांग्रेसकी उम्मेदवार सुश्री रजन पुरा महताराले ८१६ मत ल्याइन्।
नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।