सुर्खेत– कालिकोटको पचालझरना गाउँपालिकामा नेकपा माओवादी केन्द्रका उम्मेदवार विजयी भएका छन्। गाउँपालिकाको अध्यक्ष र उपाध्यक्ष दुवैमा माओवादी केन्द्रका उम्मेदवार विजयी भएका हुन्।
गाउँपालिकाको अध्यक्षमा निर्वाचित भएका देब राज शाहीले २ हजार ३६२ मत ल्याए। उनका प्रतिस्पर्धी नेपाली कांग्रेसका टेकबहादुर बुढाले २ हजार ७२९ मत ल्याए।
यस्तै, उपाध्यक्षमा निर्वाचित अल्कीना बमले २ हजार ३९८ मत ल्याइन्। उनका प्रतिस्पर्धी नेकपा एमालेका रन रोकायाले १ हजार २३६ मत ल्याएका छन्।
यस गाउँपालिकामा माओवादी केन्द्र एक्लै निर्वाचनमा गएको थियो भने कांग्रेस र एमालेले गठबन्धन गरेका थिए। नौ वडा रहेको यस गाउँपालिकामा आठ वडामा माओवादी केन्द्र विजयी भएको छ भने एउटामा कांग्रेस विजयी भएको निर्वाचन कार्यालयले जनाएको छ।
नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।