अफताब आलमका छोरा रौतहटको राजपुर नगरपालिकाको मेयरमा निर्वाचित

स्थानीय निर्वाचन

नेपाल लाइभ शुक्रबार, जेठ ६, २०७९ १५:०४

काठमाडौं– कर्तव्य ज्यान मुद्दाको पुर्पक्षका लागि जेलमा रहेका मोहमद अफताब आलमका छोरा मेयर पदमा निर्वाचित भएका छन्। रौतहटको राजपुर नगरपालिकाको मेयर पदमा आलमका छोरा मोहम्मद राजीक आलम निर्वाचित भएका हुन्।

नेपाली कांग्रेसको तर्फबाट मेयर पदमा उम्मेदवारी दिएका राजीक ६ हजार ३३५ मत ल्याएर विजयी भए। उनका प्रतिस्पर्धी जनता समाजवादी (जसपा)का मोहम्मद जैद आलमले ३ हजार ७५१ मत ल्याए।

उपमेयरमा पनि कांग्रेसकै जमिला असगरी निर्वाचित भएकी छन्। ६ हजार २६८ मतसहित उनी विजयी भइन्। उनका प्रतिस्पर्धी जसपाकै चिन्ताकुमारी कलवारले ३ हजार ६२९ मत ल्याइन्।

मेयरमा विजयी रजीक चिकित्सक समेत हुन्। कांग्रेस नेता तथा सांसद समेत भएका मोहमद अफताब आलमका कान्छा छोरा हुन् रजीक।

अफताबले २०६४ का चुनावमा ईटा–भट्टामा मान्छे पोलेर हत्या गरेको अभियोग लागेको छ। उक्त अभियोगमा उनी हाल पुर्पक्षका लागि नख्खु कारागारमा छन्।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

जनमत–नागरिक उन्मुक्ति एकता : सीके राउत कार्यकारी अध्यक्ष, पहिलो वरीयतामा रेशम चौधरी

स्वास्थ्य बीमा : बोर्डमा जम्मा एक अर्ब, भुक्तानी दायित्व १६ अर्ब ४५ करोड

हामीले राजावादी वितण्डाको विरोध गर्दा सरकारलाई राहत मिले जस्तो भएको छ : प्रचण्ड