काठमाडौं– मेलम्ची नगरपालिकामा यस पटकको निर्वाचनमा त्रिपक्षीय भिडन्त देखिएको थियो। निर्वाचनमा नेपाली कांग्रेस र राप्रपा, माओवादी र एकीकृत समाजवादीले तालमेल गरेका थिए।
एमाले एक्लै निर्वाचनमा उभिएको थियो। मतगणनामा एमालेले सुरुवातदेखि अग्रता कायम राखेको भए पनि अन्तिम नतिजा आउँदा नेपाली कांग्रेसले जित हात पार्यो।
कांग्रेसका उम्मेदवार आइतमान तामाङले ११ हजार २ सय ५८ मत पाएर विजयी भए भने एमालेका उम्मेदवार बालकृष्ण देउवाले ११ हजार १ सय ६५ मत पाए । देउजाले ९३ मतले पराजय भोगे भने उपमेयरमा एमाले उम्मेदवार उमा श्रेष्ठले जित हात पारिन्। उक्त नगरपालिकामा एमालेबाट विभाजित भएर बनेको एकीकृत समाजवादीले माओवादीसँगको तालमेलमा मेयर पदमा मात्र उम्मेदवारी दिएको थियो।
कुनै समय एमालेका राजनीतिक सहकर्मी रहेका नानीराम चौलागाईं देउजाको प्रतिस्पर्धीको रुपमा उठेका थिए। चौलागाईंले ३ हजार ३ सय २ मत पाए। यसरी उनले पाएको करिब सय मत मात्र थपिएको भए एमालेले २०७४मा जितेको उक्त नगर सुरक्षित गर्ने थियो।
मेलम्ची नगरपालिका जितेसँगै सिन्धुपाल्चोकमा यस पटक कांग्रेसले धेरै पालिका जित्दै पहिलो पार्टी बन्यो। जिल्लाका १२ स्थानीय तहमध्ये काग्रेसले पाँच पालिका जित्दै पहिलो पार्टी बन्न सफल भयो। उपप्रमुख भने सात स्थानमा कांग्रेसले जित निकाल्यो।
२०७४ मा तीन स्थानीय तह जितेको कांग्रेसले यस पटक २ पालिका थप गरेको हो। तत्कालीन समयमा कांग्रेसले \तीन/ तीन प्रमुख र उपप्रमुख जितेको थियो। यस्तै जिल्लामा माओवादीले दोस्रो पार्टी बन्यो। अघिल्लो निर्वाचनमा तेस्रो अवस्थामा रहेको माओवादीले यसपटक चार पालिकाका प्रमुख जित्न सफल भयो। माओवादीले उपप्रमुख/उपाध्यक्ष भने जित्न सकेन।
अघिल्लो निर्वाचनमा सात स्थानीय तह जितेको एमालेले यस पटक कांग्रेस र माओवादीलाई केही पालिका जिम्मा लगाउन वाध्य यो।
पार्टी विभाजनको असर सिन्धुपाल्चोकमा एमालेमा परेको देखिए पनि विभाजन पछि बनेको नेकपा एकीकृत समाजवादीले भने कुनै पनि पालिकामा जित हात पारेन। नेकपा एस आफूलाई पालिका जिताउन सफल नभए पनि एमाले हराउन भने सफल भएको जिल्लाका एमाले नेताहरुकै टिप्पणी छ।
एकीकृत समाजवादीले सभामुख अग्निप्रसाद सापकोटाको क्षेत्र चौतारा साँगाचोकगढी नगरपालिकामा उपप्रमुख जित्यो। माओवादीसँग तालमेल गरेको नेकपा एसले एमालेलाई पराजित गरेको हो।
फुटले एमालेलाई असर पुर्याउँदा कांग्रेस, माओवादीले राम्रै फाइदा उठाए। समग्र जिल्लामा भन्दा पनि केही स्थानीय तहमा छुट्टाछुट्टै गठबन्धन बनेको थियो।
केन्द्रीय तहबाट कुनै पनि गठवन्धन नभएका कारण नेकपा एकीकृत समाजवादीले कतै माओवादीसँग त कतै एक्लै निर्वाचन लडेको थियो।
कांग्रेसले भोटेकोसी, त्रिपुरासुन्दरी, हेलम्बु र बाह्रविसे नगरपालिकामा प्रमुख/अध्यक्ष, उपप्रमुख/उपाध्यक्ष दुबै पद जित्यो। मेलम्ची नगरपालिकाको प्रमुख जित्दा कांग्रेसले जुगल, बलेफी, र सुनकोसीमा उपाध्यक्ष लिन सफल भयो।
माओवादीले चौतारा साँगाचोकगढी नगरपालिका प्रमुखमा विजय हासिल गर्यो। त्यस्तै लिसंखुपाखर, बलेफी र जुगल गाउँपालिका अध्यक्ष जितेको माओवादीले एउटै उपप्रमुख/उपाध्यक्ष जित्न भने सकेन। एमाले फुटेर बनेको एकीकृत समाजवादीले चौतारा नगरको उपप्रमुख हात पार्यो। यहाँ माओवादी–समाजवादी गठबन्धन थियो।
एमालेले यसअघिको निर्वाचनमा कांग्रेसले जितेको इन्द्रावती गाउँपालिका खोसेको छ। पाँचपोखरी थाङपाल गाउँपालिकामा अध्यक्ष, उपाध्यक्ष दुबै पद एमालेले जित्यो। गत निर्वाचनमा उक्त गाउँपालिका एमालेले जितेको थियो। माओवादीसँगको गठबन्धनका कारण सुनकोसी नगरपालिका अध्यक्ष जितेको एमालेले लिसंखुपाखरमा उपाध्यक्ष र मेलम्ची नगरमा उपप्रमुख हात पार्यो।
स्थानीय तहका १ सय ३ वडामध्ये कांग्रेसले ५२ वडाध्यक्ष जितेको छ। एमालेले ३७ वडामा जित हासिल गरेको छ। माओवादीले ११ वटा वडा जित्दा राप्रपा, समाजवादी र स्वतन्त्र उम्मेदवारले एक/एक वडाध्यक्ष जितेका छन्।
कुन नगरमा कसले जित्यो ?
१. इन्द्रावती गाउँपालिका
प्रमुख झम्कनाथ नेपाल /एमाले
उपप्रमुख शोभना तामाङ/एमाले
२.चौतारा साँगाचोकगाढी नगरपालिका
प्रमुख कृष्णप्रसाद सापकोटा/माओवादी केन्द्र
उपप्रमुख सिता थापा/एकिकृत समाजवादी
३.जुगल गाउँपालिका गाउँपालिका
प्रमुख रेशम स्याङ्गबो/माओबादी केन्द्र
उपप्रमुख हिमालकुमार श्रेष्ठ/नेपाली काग्रेस
४.त्रिपुरा सुन्दरी गाउँपालिका
प्रमुख भक्तध्वज बोहोरा/नेपाली काग्रेस
उपप्रमुख गिताकुमारी नेपाल/नेपाली काग्रेस
५.पाँचपोखरी थाङ्गपाल गाउँपालिका
प्रमुख टाँसी लामा /एमाले
उपप्रमुख सुनिता अधिकारी/एमाले
६.बलेफी गाउँपालिका
प्रमुख गंगाबहादुर तमाङ/माओवादी
उपप्रमुख सुभाष तिमिल्सना/नेपाली काग्रेस
७.भोटेकोशी गाउँपालिका
प्रमुख पासाङनोर्वु शेर्पा /नेपाली काग्रेस
उपप्रमुख दिछेल शेर्पा/नेपाली काग्रेस
८.मेलम्ची नगरपालिका
प्रमुख आइतमान तमाङ/नेपाली काग्रेस
उपप्रमुख उमा श्रेष्ठ/एमाले
९.लिशंखुपाखर गाउँपालिका
प्रमुख राजु लामा /माओवादी केन्द्र
उपप्रमुख मिठुदेवि लामा /एमाले
१०.बाहविसे नगरपालिका
प्रमुख बालकृष्ण बस्नेत /नेपाली काग्रेस
उपप्रमुख मञ्जु तामाङ/नेपाली काग्रेस
११.सुनकोशी गाउँपालिका
प्रमुख टपिन्द्रप्रसाद तिमल्सिना/एमाले
उपप्रमुख कान्छी लामा /नेपाली काग्रेस
१२.हेलम्बु गाउँपालिका
प्रमुख निमा ग्याल्जेन शेर्पा/नेपाली काग्रेस
उपप्रमुख अप्सरा लम्साल लामिछाने /नेपाली काग्रेस
नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।
-1743937872.png)
![सय दिने प्रगति विवरण सार्वजनिक गर्दै प्रधानमन्त्री केपी ओली [प्रत्यक्ष प्रसारण]](https://nepallive.net/uploads/posts/500X300/kllllllllll-1729675876.jpg)
![Nepal Live Samachar नेपाल लाइभ समाचार, भदौ १९ [भिडियाे]](https://nepallive.net/uploads/posts/500X300/samachar++-1725458095.jpg)
![प्रधानमन्त्रीसँग प्रश्नोत्तर [प्रत्यक्ष प्रशारण]](https://nepallive.net/uploads/posts/500X300/PMM-(1)-1718866650.jpg)
![भारत भ्रमणबारे प्रतिनिधि सभा बैठकमा जवाफ दिँदै प्रधानमन्त्री प्रचण्ड [प्रत्यक्ष प्रशारण]](https://nepallive.net/uploads/posts/500X300/prachanda-sansad-1710309847.jpg)
![Nepal Live Samachar नेपाल लाइभ समाचार, जेठ ३० [भिडियाे]](https://nepallive.net/uploads/posts/500X300/samachar++-copy.jpg-30-1718203418.jpg)
-1743930985.png)
-1743318385.png)
-1742289396-1743592964.jpg)
