वीरगञ्ज-पर्साको वीरगञ्ज महानगरपालिकाकाे प्रमुख पदमा गठबन्धनका उम्मेदवार राजेशमान सिंहले २३ हजार ८५२ मतसहित आफ्नो अग्रतालाई निरन्तरता दिएका छन्। एमालेका विजयकुमार सरावगीले १२ हजार २८९ मतसहित सिंहलाई पछ्याइरहेका छन्।
यसैगरी उपप्रमुखमा पनि गठबन्धनका उम्मेदवार इम्तियाज आलमले १६ हजार ८६१ मतसहित अग्रतालाई निरन्तरता दिएका छन्। उपप्रमुख पदका उम्मेदवार लोकतान्त्रिक समाजवादी पार्टी (लोसपा) का नेता पुरुषोत्तमलाल झा तीन हजार ५७६ मतसहित उनीसँग प्रतिस्पर्धामा छन्।
हालसम्म वीरगञ्ज महानगरपालिकामा कूल ४६ हजार ३५२ मत गणना भएको छ। महानगरपालिकामा हालसम्म वडा नं १, २, ३, ४, ५, २५, २७, २८, २९, ३०, ३१ र ३२ को मतगणना सम्पन्न भएको छ। कूल ३२ वटा वडा रहेको यस महानगरपालिकामा अन्य वडाहरुको मत परिमाण आउन बाँकी छ।
नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।