हेटौंडा–मकवानपुरको बागमती गाउँपालिका अध्यक्षमा गठबन्धनका तर्फबाट माओवादी केन्द्रका उम्मेदवार सर्केश घलान सात हजार ३८४ मत प्राप्त गरी विजयी भएका छन्।
उनका निकटतम प्रतिद्वन्द्वी एमाले उम्मेदवार खेम जर्गा मगरले छ हजार १६६ मत प्राप्त गरे। त्यस्तै सो गाउँपालिका उपाध्यक्षमा नेपाली कांग्रेसका उम्मेदवार फणीन्द्र तिमिल्सिना सात हजार ९३५ मत ल्याएर विजयी भए। उनका निकटतम प्रतिद्वन्द्वी एमालेकी धनमाया स्याङ्तानले चार हजार ६६९ मत ल्याइन्। यसअघि धनमाया २०७४ सालको निर्वाचनमा उक्त पार्टीका तर्फबाट गाउँपालिकाको उपाध्यक्षमा विजयी भएकी थिइन्।
नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।