विराटनगर–मोरङको पथरी शनिश्चरे नगरपालिकाको प्रमुख पदमा एमालेका मोहनप्रसाद तुम्वापो १२ हजार ९५६ मत प्राप्त गरी विजयी भएका छन्। प्रदेश निर्वाचन कार्यालय विराटनगरका अनुसार उनका निकटतम प्रतिद्वन्द्वी नेपाली कांग्रेसका नगेन्द्रबहादर सुब्बाले ११ हजार १४६ मत प्राप्त गरे।
उपप्रमुखमा एमालेकै देवीमाया काफ्लेले ११ हजार ७४७ मत प्राप्त गरी विजयी भइन् भने उनका निकटतम प्रतिद्वन्द्वी कांग्रेसकी कविता पराजुलीले ११ हजार ३९० मत प्राप्त गरिन्। उक्त पालिका–१, २, ७, ९ र १० मा एमालेका उम्मेदवारहरू वडाध्यक्षमा निर्वाचित भएका छन् भने कांग्रेसका उम्मेदवारहरू ३, ४, ५, ६ र ९ वडामा विजयी भएका छन्।
नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।