असन्तुष्टलाई गठबन्धनका शीर्ष नेताको आश्वासन– सरकार बनेपछि नियुक्तिका अवसरै–अवसर

निर्वाचन विशेष

नेपाल लाइभ शनिबार, कात्तिक ५, २०७९ १५:१७

विराटनगर– सत्तारुढ गठबन्धनका शीर्ष नेताहरुले गठबन्धनका उम्मेदवारलाई जिताउन नेता कार्यकर्तालाई अनुरोध गरेका छन्।

विराटनगरमा आयोजित कार्यक्रममा सम्बोधन गर्दै शीर्ष नेताहरुले चुनावपछि गठबन्धनकै सरकार बन्ने र जोगिरका लागि धेरै अवसर आउने आश्वासन दिए।

गठबन्धनका कारण टिकट नपाएका नेताहरुलाई आश्वस्त पार्दै उनीहरु सरकार निर्माणपछि विभिन्न राजनीतिक नियुक्तमा त्यस्ता व्यक्तिलाई अवसर दिइने बताए।

प्रधानमन्त्री तथा कांग्रेस सभापति शेरबहादुर देउवाले सम्बोधनका क्रममा भने, ‘गठबन्धनको सरकार बन्यो भने त धेरै अवसर आउँछ।’

देउवाले कांग्रेसभित्र र गठबन्धन दुवैमा कुनै समस्या नरहेको दाबी गर्दै गठबन्धनका लागि उम्मेदवारलाई जिताउन अनुरोध गरे।

संविधान र गणतन्त्रको स्थायित्वका लागि आफूहरुले गठबन्धन बनाएको देउवाले दाबी गरे। यस्तै कार्यक्रममा नेकपा माओवादी केन्द्रका अध्यक्ष पुष्पकमल दाहाल प्रचण्डले गठबन्धनको सरकार बने राजनीतिक नियुक्तिका अवसर धेरै आउने भन्दै टिकट नपाएकाहरुलाई निराश नहुन अनुरोध गरे।

उनले भने, ‘गठबन्धनको बहुमतको सरकार बन्यो भने भोलि अवसरै अवसर आउँछन्। कोहीलाई राजनीतिक नियुक्ति, कोहीलाई संवैधानिक नियुक्ति दिइनेछ। राजदूत त कति हो कति। यतिबेला टिकट नपाएर निराश भएकाहरु पनि त्यस्ता नियुक्ति पाएपछि खुशी हुनेछन्।’

उनले गठबन्धन १२ बुँदे शान्ति सम्झौताको निरन्तरता भएको पनि बताए। गणतन्त्रको रक्षका लागि जोखिम मोलेरै भए पनि नयाँ गठबन्धन बनाएको प्रचण्डको दाबी थियो।

‘यो चुनावमा गठबन्धनका उम्मेदवारहरुले हारे हालत खराब हुन्छ’, प्रचण्डले भने। यस्तै एकीकृत समाजवादीका अध्यक्ष माधवकुमार नेपालले पनि संविधान र गणतन्त्रको रक्षाका लागि गठबन्धन अपरिहार्य भएको बताए।

कार्यक्रममा कांग्रेसका नेता रामचन्द्र पौडेल, कृष्णप्रसाद सिटौला, डा शेखर कोइरालाले गठबन्धनको औचित्यबारे प्रष्ट्याएका थिए।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society. http://nepallive.com

लेखकबाट थप

सेयर बजार दोहोरो अंकले बढ्यो

उदयपुरमा यौनधन्दा चलाउने र संलग्न १३ जनाविरुद्ध मुद्दा दर्ता

सहकारीबाट लिएको ऋण नतिरेपछि एमाले नेता अर्याल पक्राउ