सडक खाली गराएर दुःख दिने काम भएको भन्दै हर्न बजाएर प्रधानमन्त्री ओलीको विरोध

राजनीति

नेपाल लाइभ शुक्रबार, फागुन २३, २०८१ १४:३८

काठमाडौँ – प्रधानमन्त्री तथा नेकपा एमालेका अध्यक्ष केपी शर्मा ओली सुर्खेत पुग्दा सडक खाली गराएर जनतालाई दुःख दिने काम गरेको भन्दै हर्न बजाएर विरोध गरिएको छ ।

शुक्रबार ओली आउँदा सुर्खेत विमानस्थलबाट रत्न राजमार्ग हुँदै दैलेख चोकसम्म सडक खाली गराइएको थियो । करिब २० मिनेट यातायात बन्दका साथै बाटो हिँड्ने यात्रुलाई समेत कडाइ गरिएको स्थानीयले बताए ।

गणतन्त्रमा पनि प्रधानमन्त्री आएकै कारण सडक खाली गराउने काम गलत भएको भन्दै विरोधमा सवारी चालकहरूले हर्न बजाएर विरोध गरेका हुन् ।

जिल्ला प्रहरी कार्यालय सुर्खेतका सूचना अधिकारी प्रहरी नायव उपरीक्षक विरेन्द्रविर विश्वकर्माले अहिले अवस्था सामान्य रहेको जानकारी दिएका छन् ।
प्रधानमन्त्री अहिले मध्यपश्चिम विश्वविद्यालयको तेस्रो दिक्षान्त समारोहमा सहभागि छन् भने त्यसपछि उनले कर्णाली प्रदेशसभालाई सम्बोधन गर्ने कार्यक्रम रहेको छ ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

बार निर्वाचन अपडेट : ११६० मत गणना हुँदा कसको कति मत?

शिक्षकहरुको माग सम्बोधनबारे प्रधानमन्त्रीले गरे छलफल

आज दिनभर धुम्मियो काठमाडौँको आकाश