काश्मीरमा आतंकवादी हमलामा मृत्यु भएका सुदीपको शव सुनौली नाका हुँदै नेपाल ल्याइँदै

प्रवास

नेपाल लाइभ बिहीबार, वैशाख ११, २०८२ ०७:५२

रुपन्देही –भारतको काश्मीरमा मङ्गलवार भएको आतंकवादी हमलामा मृत्यु भएका बुटवलका सुदीप न्यौपानेको शव आज बुटवल ल्याएर अन्त्येष्टि गरिने भएको छ ।

आमा बहिनी र ज्वाइँसहित घुमघामका लागि काश्मीरगएका बुटवलका युवा सुदीप न्यौपानेको उक्त हमलामा ज्यान गएको थियो । आतंककारीहरूले पर्यटकलाई लक्षित गर्दै गरिएको हमलामा उनी पनि मारिएका हुन् ।

सुदीपको पार्थिव शरीर आज बिहान सुनौली नाका हुँदै नेपाल ल्याउन लागिएको हो । परिवार स्रोतका अनुसार पार्थिव शरीर आजै बिहान ७ः३० बजेसम्म बुटवलको कालिकानगरस्थित निवासमा ल्याइनेछ । आजै उनको अन्त्येष्टि गरिने कार्यक्रम रहेको पारिवारिक स्रोतले जनाएको छ ।

अहिले सुदीपका काका तथा वडा अध्यक्ष दधिराम न्यौपानेसहित परिवारका अन्य सदस्यहरू शव बुझ्नका लागि सुनौली पुगेका छन् । घटना विवरण संकलन गर्न नेपाल प्रहरी तथा सम्बन्धित निकायहरूले समन्वय गरिरहेको बताइएको छ ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society. http://nepallive.com

लेखकबाट थप

रुकुम पूर्व केन्द्रविन्दु भएर भूकम्प

भुटानी शरणार्थी मुद्दामा सर्वोच्च : अमेरिका जानुअघिको शिविरमा राख्नू, ६० दिनभित्र अनुसन्धान सक्नू

एमालेले सरकार बचाउ भनेर कराएको छैन : प्रधानमन्त्री ओली