काठमाडौं– विपक्षीको अवरोधका कारण प्रतिनिधिसभाको बैठक आधा घण्टाका लागि स्थगित भएको छ।
संसद भवन नयाँ बानेश्वरमा सोमबार दिउँसो साढे ३ बजेदेखि बैठक सुरु हुनासाथ विपक्षी दलले उठेर विरोध सुरु गरेसँगै सभामुख देवराज घिमिरेले आधा घण्टाका लागि स्थगित गरेका हुन्।
दिउँसो २ बजेका लागि बोलाइएको बैठक डेढ घन्टा ढिलो गरी सुरू भएको थियो।
भिजिट भिसा प्रकरणमा प्रतिपक्षी दलहरूले गृहमन्त्री रमेश लेखकको राजीनामा र छानबिन समिति गठनको माग गर्दै बैठक अवरूद्ध गर्दै आएका छन्।
नेपाली कांग्रेसले सदनको गतिरोध अन्त्य गर्न माओवादी केन्द्र, रास्वपालगायत दलहरूसँग छलफल गरे पनि अझै सहमति जुट्न सकेको छैन।
सभामुख देवराज घिमिरेले बैठक सुरू भएको घोषणा गर्नेबित्तिकै उठेर विरोध गरेका थिए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1749384056.png)
