काठमाडौं–इंग्लिस प्रिमियर लिग फुटबलमा म्यान्चेस्टर युनाइटेडले सेफिल्ड युनाइटेडलाई पराजित गरेको छ।
बुधबार राति भएको खेलमा घरेलु टिम म्यान्चेस्टर युनाइटेडले सेफिल्ड युनाइटेडलाई ३-० गोलअन्तरले पराजित गरेको हो। म्यान्चेस्टर युनाइटेडको जितमा एन्थोनी मार्सियलले ह्याट्रिक गोल गरे।
खेलको सातौं मिनेटमा नै गोल गर्दै अग्रता दिलाएका मार्सियलले ४४औं मिनेटमा अर्को गोल थप्दै म्यान्चेस्टर युनाइटेडलाई पहिलो हाफसम्म २-० गोलको अग्रता दिलाए। खेलको ७४औं मिनेटमा उनले अर्को गोल गर्दै ह्याट्रिक पूरा गरे। इंग्लिस प्रिमियर लिगमा उनको यो पहिलो ह्याट्रिक हो।
बाँकी समयमा गोल हुन नसकेपछि म्यान्चेस्टर युनाइटेडले सेफिल्ड युनाइटेडलाई ३-० गोलअन्तरले पराजित गरेको हो।
बुधबार राति नै भएका अन्य खेलहरुमा एभर्टनले नर्विच सिटीलाई १-० ले वोल्भ्सले बर्नमाउथलाई १-० गोलले पराजित गर्दा एस्टोन भिल्ला र न्यु क्यास्टलले भने १–१ गोलको बराबरी खेलेका छन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1749539455.jpg)
-1749384056.png)
