डोटीमा घर भत्किँदा एकै परिवारका ४ जनाको मृत्यु, ५ घाईते

समाचार

ललित बोहरा मंगलबार, साउन २७, २०७७ ०७:५५

डोटी–डोटीको आदर्श गाउँपालिका १ बाँझककानी खलगडामा घर भत्किँदा एकै परिवारका ४ जनाको मृत्यु भएको छ । मंगलबार बिहान १ बजे घर भत्किँदा एकै परिवारका ४ जनाको मृत्यु भएको हो।

मृत्यु हुनेमा लोगे लुहारकी श्रीमती बिस्ना लुहार, उनका छोरा पारस, ७ वर्षीया छोरीहरू जेनिसा र ५ वर्षकी सिरु लुहार रहेकी जिल्ला प्रहरी कार्यालय डोटीका प्रहरी नायब उपरीक्षक इन्द्रबहादुर मल्लले जानकारी दिए । ५ जना घाइते भएका छन्।

पहिरोमा परी घाइते भएकाको अस्पतालमा उपचार गरिँदै

घाइते हुनेहरूमा घरधनी लोगे लुहार, उनकी आमा, सासू आमा, सालो र २ वर्षीया छोरी रहेका छन्।

उनीहरूलाई उद्धार गरेर उपचारका लागि दिपायल ल्याइरहेको डिएसपी मल्लले जानकारी दिए। घाईतेको जिल्ला सदमुकाममा रहेको शैलेश्वरी अस्पतालमा उपचार भइरहेको आफन्तले बताए ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।