काठमाडौं- चीन सरकारको सहयोगमा निर्माण भएको कलंकी–कोटेश्वर खण्डको ८ लेनको सडक हरियाली हुने भएको छ। उक्त सडक खण्ड हरियाली बनाउने काम एनसेलले गरेको हो। एनसेल व्यावसायिक सामाजिक जिम्मेवारीअन्तर्गत वन तथा भू–संरक्षण विभागसँगको सहकार्यमा कोटेश्वरदेखि कलंकी सडकखण्डको ग्रीन बेल्ट क्षेत्रमा हरियाली निर्माण तथा संरक्षणको काम गरिरहेको छ।
झण्डै १०.२ किलोमिटर दूरी रहेको यस सडकखण्डको हरियाली विकास तथा संरक्षण गर्दै एनसेलले वातावरण संरक्षणमा योगदान पुर्याउने उद्देश्य लिएका जनाएको छ। एनसेलले कोटेश्वरदेखि कलंकी सडक खण्डको ग्रीन बेल्ट क्षेत्रमा ल्याण्ड स्केपिङ सहित हरियाली निर्माण र संरक्षणको काम गरिहेको छ।
यसैअन्तर्गत एनसेलले एकान्तकुना देखि बल्खु सडक खण्डका ग्रीन बेल्ट क्षेत्रमा नमुनाका रुपमा हरियाली निर्माण गर्ने कार्य सम्पन्न गरिसकेको छ। यस ग्रीनबेल्ट क्षेत्रलाई एक उदाहरणीय हरित क्षेत्रको रुपमा विकास गरी यस क्षेत्रकोसंरक्षण गर्ने उद्देश्य लिएको एनसेलले जनाएको छ। यसअघि एनसेलले कोटेश्वरदेखि कलंकी सडक खण्डमा वृक्षारोणका लागि पनि सहयोग गरेको थियो।
हरियाली विकासका साथै एनसेलले पाँचवर्षसम्म यो खण्डमा रहेका ६ हजारभन्दा बढी रुखबिरुवाको हेरचाह गर्दै ग्रीन बेल्टको संरक्षणको काम पनि गर्ने भएको छ।
‘वन तथा भू–संरक्षण विभागसँगको सहकार्यले कसरी सार्वजनिक र निजी क्षेत्रको सहकार्यमा प्रभावकारी काम गर्न सकिन्छ भन्ने उजागर गरेको छ। रिङरोडको १०.२ किलोमिटर सडकखण्डको क्षेत्रमा दायाँ बायाँ हरियाली निर्माण तथा संरक्षणको कार्य सार्वजनिक–निजी साझेदारीको एक उत्तम उदाहरण हो।
यो पहलले समुदायमा स्वच्छ वातावरण निर्माण गर्दै वातावरण र पर्यावरणसम्बन्धी लक्ष्य प्राप्तिमा योगदान पुर्याउने विश्वास लिएका छौँ। यो पहल कार्बन फुट प्रिन्ट घटाउन र पर्यावरण संरक्षणका लागि हामीले गरेका कार्यक्रमहरूमध्ये एक हो।
दीर्घकालीन प्रभाव पर्ने दीगो पहलहरुमा योगदान गर्ने हाम्रो उद्देश्य रहेको छ,’ एनसेलका प्रमुखकार्यकारी अधिकृत एन्डी चोङले भने।
वन तथा भू–संरक्षण विभागका महानिर्देशक मनबहादुर खड्काले पनि वृक्षारोपण गर्दै हरियाली बढाउने सरकारको अभियानअन्तर्गत यो रिङरोड ग्रीनबेल्ट योजना कार्यान्वयनका लागि २ महानगरपालिकाको समन्यवयको साथ एनसेलसँग सहकार्य काम भएको बताए।
ललितपुर महानगरपालिकाका मेयर चिरीबाबु महर्जनले पनि यो योजनाले हाम्रो हरियाली विकास तथा वातावरण संरक्षणसम्बन्धी ग्रीन एन्ड ब्लु क्याम्पेनमा ठूलो योगदान दिने बताए।
नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।
![सय दिने प्रगति विवरण सार्वजनिक गर्दै प्रधानमन्त्री केपी ओली [प्रत्यक्ष प्रसारण]](https://nepallive.net/uploads/posts/500X300/kllllllllll-1729675876.jpg)
![Nepal Live Samachar नेपाल लाइभ समाचार, भदौ १९ [भिडियाे]](https://nepallive.net/uploads/posts/500X300/samachar++-1725458095.jpg)
![प्रधानमन्त्रीसँग प्रश्नोत्तर [प्रत्यक्ष प्रशारण]](https://nepallive.net/uploads/posts/500X300/PMM-(1)-1718866650.jpg)
![भारत भ्रमणबारे प्रतिनिधि सभा बैठकमा जवाफ दिँदै प्रधानमन्त्री प्रचण्ड [प्रत्यक्ष प्रशारण]](https://nepallive.net/uploads/posts/500X300/prachanda-sansad-1710309847.jpg)
![Nepal Live Samachar नेपाल लाइभ समाचार, जेठ ३० [भिडियाे]](https://nepallive.net/uploads/posts/500X300/samachar++-copy.jpg-30-1718203418.jpg)
-1743318385.png)
