२० सिटको घण्टी के बजाएका थियौं, सबैको मुटुको ढ्यांग्रो बजेको छ: रवि लामिछाने

राजनीति

नेपाल लाइभ बिहीबार, वैशाख ७, २०८० १८:५७

फाइल तस्बिर

काठमाडौं– राष्ट्रिय स्वतन्त्र पार्टीका सभापति रवि लामिछानेले आफूहरुले २० सिटमा घण्टी बजाउँदा धेरैको मुटुको ढ्यांग्रो बजेको टिप्पणी गरेका छन्।

चितवनको सभालाई सम्बोधन गर्दै उनले जनताले परिर्वतनका लागि मत दिने तर त्यसमा सत्ता गठबन्धनले जालझेल गर्नसक्ने दाबी गरे।

‘हामी कसैको विरोध गरेर हैन। काम गरेर देशको विकास गर्न चाहान्छौं,’ उनले भने, ‘नेपाली कांग्रेस बीपी र सुवर्ण शमशेरको दल भएकाले तपाईंहरु लाग्नुभएको थियो। एमाले पुष्पलाल र मदन भण्डारीको पार्टी भएका कारण लाग्नुभएको हो। तर अहिलेका नेताहरुमा त्यो सम्मान कायम छैन।’

उनले अझै पनि जनतालाई झुक्याउन अनेक हुनसक्ने भन्दै सचेत हुन आग्रह गरे। उनले विगतमा चितवनका जनताले बत्ति बालेको तर पाँच महिनामा निभाउने प्रयास भएकाले फेरि बालिदिनुपर्ने बताए। लामिछानेले जनताले बालेको बत्ति ननिभोस् भन्दै यो पाँच वर्ष निरन्तर बाल्ने र निभ्न नदिने बताए।

भ्रष्टाचारीको मनमा ढ्यांग्रो बजाउने भन्दै उनले देशलाई अँध्यारोमा राख्नेहरुको समय सकिएको टिप्पणी गरे। उनले अब आफूहरु बहुमत ल्याउन निरन्तर लाग्ने दाबीसमेत गरे। निरन्तरको घेराबन्दीका बीचमा पनि यहाँ आएको भन्दै आफूले छाति दरो पारेको बताए।

आफ्नो कारण निर्वाचन गराउने खर्च नबढाएको उनले दाबी गरे। राष्ट्रपति र उपराष्ट्रपति बनाएर पुन: निर्वाचनको खर्च कसले व्यहोर्छ भन्दै प्रश्नसमेत गरे।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society. http://nepallive.com

लेखकबाट थप

मधेशमा जनमतका सञ्जय वन र बसन्त उद्योगमन्त्री नियुक्त

‘टिकटक गर्ल’को हनी ट्रयापमा पारेर काठमाडौंमा घर–जग्गाकाे बार्गेनिङ, २ महिला पक्राउ

निजामती कर्मचारीलाई 'कुलिङ पिरियड' लगाउनु असंवैधानिक रहेको मुख्यसचिव र सचिवहरूको दाबी