माओवादीको सुदूरपश्चिम प्रदेश सभा दलको नेताबाट खगराज भट्ट हटाइए, धामी बने नयाँ नेता - शेरबहादुर ऐर :: नेपाल लाइभ :: Nepal Live - Independent Digital Media

शुक्रबार, जेठ ९, २०८२ Fri, May 23, 2025

राजनीति

माओवादीको सुदूरपश्चिम प्रदेश सभा दलको नेताबाट खगराज भट्ट हटाइए, धामी बने नयाँ नेता

64x64

शेरबहादुर ऐर शुक्रबार, माघ १२, २०८० १३:४४

संसदीय दलको नेताबाट हटाइएका खगराज भट्ट (फाइल तस्बिर)

धनगढी– नेकपा माओवादी केन्द्रका सुदूरपश्चिम प्रदेश सभाका सदस्य (सांसद)हरुले प्रदेश संसदीय दलको नेताबाट खगराज भट्टलाई हटाउने निर्णय गरेका छन्। बहुमत सदस्यहरुले प्रदेश सभा सदस्य मानबहादुर धामीलाई दलको नेता चयन गर्ने निर्णय गरेका छन्।

माओवादी केन्द्रका बहुमत प्रदेश सदस्यहरुको शुक्रबार धनगढीमा बैठक बसेको थियो। बैठकले दलको नेताबाट भट्टलाई हटाएर धामीलाई चयन गर्ने निर्णय गरेको १ जना प्रदेश सभा सदस्यले जानकारी दिए।

प्रदेश सभा सदस्य लक्ष्मी विकका अनुसार बहुमतबाट यो निर्णय लिइएको हो। नयाँ संसदीय दलका नेता धामी दार्चुलाबाट निर्वाचित भएका हुन्।

धामी सुदूरपश्चिममा वनमन्त्री भइसकेका छन्। सुदूरपश्चिममा माओवादी अहिले २ मन्त्री र १ राज्यमन्त्रीसहित गठबन्धन सरकारमा छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

64x64

शेरबहादुर ऐर शेरबहादुर नेपाललाइभका संवाददाता हुन्

लेखकबाट थप

अदालतमै चलिरहेको रिटको बेवास्ता गर्दै धनगढीमा जग्गासम्बन्धी कार्यविधि लागू

धनगढीको सरकारी गाडी चेकजाँचका क्रममा रोक्दा नगर प्रमुख हमालको प्रहरीमाथि आक्रोश– ‘कैलाली जिल्ला प्रहरी?’

स्थानीय तहमा जथाभावी नदिजन्य पदार्थ उत्खनन बढ्दो