सन्यास लिइसकेका सुनिल क्षेत्री पुनः भारतीय फुटबल टोलीमा

फुटबल

नेपाल लाइभ शुक्रबार, फागुन २३, २०८१ १३:५३

एजेन्सी – भारतीय पूर्व कप्तान सुनिल क्षेत्री अन्तर्राष्ट्रिय फुटबलबाट सन्न्यास लिएको वर्ष दिन नपुग्दै भारतीय फुटबल टोली फर्केका छन् । गत जुनमा सन्न्यास लिएका सुनिललाई यसै महिनाको अन्तर्राष्ट्रिय ब्रेकका लागि भारतीय राष्ट्रिय टोलीमा समावेश गरिएको छ ।

मुख्य प्रशिक्षक मानोलो मार्क्वेजले बिहीवार २६ सदस्यीय टोलीको घोषणा गरे, जसमा सुनिल परेका छन् । भारतले मार्च १९ मा माल्दिभ्सविरुद्ध मैत्रीपूर्ण खेल खेल्नेछ । त्यतिबेला सुनिल ४० वर्ष ७ महिना १६ दिनका हुनेछन् ।

भारतीय टोली त्यसपछि मार्च २५ मा सिलङस्थित जवाहरलाल नेहरू स्टेडियममा बंगलादेशविरुद्ध एएफसी एसियन कप २०२७ छनोटको अन्तिम चरणको उद्घाटन खेल खेल्नेछ ।

त्यो समूहमा हङकङ र सिंगापुर पनि छन् । भारतीय टोली अहिलेसम्म एसियन कपको समूह चरण पार गर्न सकेको छैन ।

प्रशिक्षक मार्क्वेजले भनेका छन् , ‘एसियन कपको छनोट हाम्रो लागि धेरै महत्त्वपूर्ण छ । यस प्रतियोगिताको महत्त्वलाई ध्यानमा राख्दै, मैले सुनिल क्षेत्रीसँग राष्ट्रिय टोलीलाई मजबुत बनाउन पुनरागमनको विषयमा छलफल गरे । उनले सहमति जनाए, त्यसैले हामीले उनलाई टोलीमा समावेश गरेका छौं ।’

भारतबाट १ सय ५० खेल खेल्दै सुनिलले ९४ गोल गरेका छन् । पुरुष फुटबलमा देशका लागि सर्वाधिक गोल गोल गर्नेमा क्रिस्टियानो रोनाल्डो, लियोनल मेस्सी, र इरानका अली दाइपछि सुनिल चौथो स्थानमा छन् । सुनिल बेंगलुरु एफसी बाट भारतीय सुपर लिग खेलिरहेका छन् ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

जनमत–नागरिक उन्मुक्ति एकता : सीके राउत कार्यकारी अध्यक्ष, पहिलो वरीयतामा रेशम चौधरी

स्वास्थ्य बीमा : बोर्डमा जम्मा एक अर्ब, भुक्तानी दायित्व १६ अर्ब ४५ करोड

हामीले राजावादी वितण्डाको विरोध गर्दा सरकारलाई राहत मिले जस्तो भएको छ : प्रचण्ड