काठमाडौं – इन्डियन प्रिमियर लिग (आईपीएल)को सोमबार भएको खेलमा रोयल च्यालेन्जर बंगलोरु (आरसिबी)ले मुम्बई इन्डियन्सलाई १२ रनले हराएको छ । २२२ रनको लक्ष्य पाएको मुम्बईले ९ विकेटको क्षतिमा २०९ रन जोडेको हो । सुरुवातदेखि नै दबाबमा रन बटुलेपछि पहिलो १० ओभरमा नै खेल गुमाइसकेको मुम्बईका लागि कप्तान हार्दिक पाण्डे र तिलक वर्माले विस्फोटक ब्याटिङ गरे । कप्तान पाण्डे र वर्माको ब्याटिङले मुम्बईलाई जित नजिक पुर्याएको थियो ।
अन्तिम २ ओभरमा मुम्बईलाई जितका लागि २८ रन चाहिएको अवस्थामा जोश हजेलउडले पहिलो बलमा नै पाण्डेलाई आउट गरे । छक्का प्रहार गर्ने प्रयासमा आउट भएका पाण्डेले १५ बलमा ४२ रन जोडे । २९ बलमा ५६ रन जोडेका वर्मालाई भने भुवनेश्वर कुमारले आउट गरे ।
अन्तिम ओभरमा मुम्बईलाई २० रन चाहिएको थियो । सुरुवाती दुई बलमा क्रुनान पाण्डेले माइकल सान्टनर र दीपक चाहरलाई आउट गरे । उनले अन्तिम ओभरमा तीन विकेट लिए । पाण्डेले चार ओभरमा ४५ रन खर्चेर ४ विकेट हात पारे । भुवनेश्वर कुमार र जोस हजेलउडले समान दुई विकेट लिए । सुयश शर्माले किफायती बलिङ गर्दै ४ ओभरमा ३२ रन मात्र खर्चेपछि मुम्बई खेलमा पछि परेको थियो ।
यसअघि टस हारेर पहिले ब्याटिङ गरेको आरसिबीले ५ विकेटको क्षतिमा २२१ रन जोडेको थियो । आरसिबीका लागि विराट कोहली र रजत पाटीदारले उत्कृष्ट ब्याटिङ गरे । विराट कोहलीले ४२ बलमा ६७ रन जोड्दा कप्तान रजत पाटीदरले ३२ बलमा ६४ रन बनाए । जितेश शर्माले अविजित रहँदै १९ बलमा ४० रन जोडे । देव दत्त पाणीकलले २२ बलमा ३७ रन जोडे ।
मुम्बईका लागि हार्दिक पाण्डेले दुई विकेट लिए । उनले चार ओभरमा ४५ रन खर्चिए । आरसिबीले बाजी मारेको खेलमा पाटीदर म्यान अफ द म्याच घोषित भए । आरसिबी ४ खेलमा तेस्रो जितसहित तालिकाको तेस्रो स्थानमा उक्लिएको छ । पाँच खेलमा चौथो पराजयको सामना गरेको मुम्बई आठौँ स्थानमा छ । आईपिएलको पुछारमा सनराइजर हैदराबाद रहेको छ ।
नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।
-1744098974.png)
-1744098981.png)
![सय दिने प्रगति विवरण सार्वजनिक गर्दै प्रधानमन्त्री केपी ओली [प्रत्यक्ष प्रसारण]](https://nepallive.net/uploads/posts/500X300/kllllllllll-1729675876.jpg)
![Nepal Live Samachar नेपाल लाइभ समाचार, भदौ १९ [भिडियाे]](https://nepallive.net/uploads/posts/500X300/samachar++-1725458095.jpg)
![प्रधानमन्त्रीसँग प्रश्नोत्तर [प्रत्यक्ष प्रशारण]](https://nepallive.net/uploads/posts/500X300/PMM-(1)-1718866650.jpg)
![भारत भ्रमणबारे प्रतिनिधि सभा बैठकमा जवाफ दिँदै प्रधानमन्त्री प्रचण्ड [प्रत्यक्ष प्रशारण]](https://nepallive.net/uploads/posts/500X300/prachanda-sansad-1710309847.jpg)
![Nepal Live Samachar नेपाल लाइभ समाचार, जेठ ३० [भिडियाे]](https://nepallive.net/uploads/posts/500X300/samachar++-copy.jpg-30-1718203418.jpg)
-1743318385.png)
-1742289396-1743592964.jpg)
