कोरोनाको डरले बन्द भए भारतका मन्दिर

कोरोना अपडेट

नेपाल लाइभ सोमबार, चैत ३, २०७६ २०:०२

एजेन्सी- कोरोना भाइरसको बढ्दो जोखिम हेरेर भारतको महाराष्ट्रमा रहेको विश्वनाथको मन्दिर बन्द गरिएको छ। महाराष्ट्रमा रहेको उस्मानावादमा रहेको अर्को तुलजा भवानी मन्दिर समेत बन्द गरिएको छ।

प्रभातदेवीमा रहेको सिद्धिविनायक मन्दिर अर्को सूचना जारी नभएसम्मका लागि बन्द भइसकेको छ। सिद्धिविनायक न्यासका अध्यक्ष आदेश बांदेकरले विश्वभर बढिरहेको कोरोना भाइरसको जोखिम कम गर्न मन्दिर अर्को सूचना नआएसम्म बन्द गर्ने निर्णय गरेको जानकारी दिए।

तुलजा भवानी मन्दिर ३१ मार्चसम्मका लागि बन्द गरिएको मन्दिरका सूचना अधिकृत नागेश सितोलेले बताए। भारतमा कोरोना भाइरस संक्रमितको बढ्दो संख्यासँगै महाराष्ट्रमा कोरोना संक्रमितको संख्या ३७ पुगिसकेको छ। भारतभर संक्रमितको संख्या १ सय १४ पुगेको छ।