गाजामा इजरायलको हवाई आक्रमण, एक चिकित्सकका नौ सन्तान मारिए

विश्व

नेपाल लाइभ आइतबार, जेठ ११, २०८२ ०९:३०

एजेन्सी –इजरायली हवाई आक्रमणमा गाजामा एक चिकित्सकका नौ सन्तानको मृत्यु भएको छ । १० बच्चा रहेकी स्थानीय चिकित्सक डा. अलाआ अल–नज्जारको खान युनिसमा रहेको घरमा भएको इजरायली हवाई आक्रमणमा उनका १० मध्ये ९ सन्तानको मृत्यु भएको हो ।

नासेर अस्पतालका अनुसार उनका श्रीमान् र ११ वर्षीय छोरा आदम घाइते भएका छन् । बेलायती सर्जन ग्रेम ग्रुमका अनुसार आदमको शरीरभरि छर्राबाट गम्भीर चोट लागेको छ । डा. अल–नज्जारका श्रीमान्, जो आफैँ पनि चिकित्सक हुन् । उनी टाउकोमा चोट लागेर गम्भीर घाइते बनेका छन् ।

ग्रुमका अनुसार उनीहरूको कुनै राजनीतिक वा सैन्य सम्बन्ध थिएन । हमासद्वारा सञ्चालित सिभिल डिफेन्सका अनुसार अल–नज्जारको घरबाट शुरुमा आठ र त्यसपछि एक गरी ९ जनाको शव निकालिएको छ । संयुक्त राष्ट्रसंघले गाजामा युद्धको सबैभन्दा क्रूर चरण चलिरहेको बताउँदै इजरायली नाकाबन्दीको आलोचना गरेको छ ।

यसै साता केही राहत सामग्री गाजामा प्रवेश गरे पनि २१ लाख जनसंख्याका लागि त्यो पर्याप्त छैन । खाद्यान्नको अभावका कारण आमाहरूले शिशुहरूलाई स्तनपान समेत गराउन नसकेको गाजावासीहरूको गुनासो छ । गाजामा इजरायली आक्रमणमा हालसम्म झण्डै ५४ हजार मानिसको मृत्यु भइसकेको छ ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society. http://nepallive.com

लेखकबाट थप

कारागारबाट मुक्त भएलगत्तै पक्राउ परेका युनुसमाथि अनुसन्धान गर्न ५ दिन म्याद थप

महानगरका प्रवक्ता मानन्धरलाई बालेनले सोधे स्पष्टीकरण

म्यान्मामा युद्धविरामको म्याद थपगर्न मलेसियाको आग्रह